martes, 6 de diciembre de 2011

Bizkaiko Abadeen Foroak 'bakeari' buruzko jardunaldia antolatu du

Ekimena Gernikan egingo dute eta helburua "bizikidetasun baketsua" sustatzea da. Jardunaldiak "Gernikako 3 orduak bakearen eta berradiskidetzearen alde" izena izango du. Abenduaren 17an.

EITB


Bizkaiko Abadeen Foroak (BAF) "bizikidetasun baketsuari" buruzko jardunaldia antolatu du datorren abenduaren 17an, Gernikan. Ekimenaren helburua "bizikidetasun baketsua" sustatzea da eta "Gernikako 3 orduak bakearen eta berradiskidetzearen alde" izena izango du.

Komunikatu batean adierazi dutenez, Foroa "ETAk borroka armatua utziko zuela iragarri ostean, beste hainbat pertsona, talde edo erakunde askorekin batera, bizikidetasun baketsu bat lortzeko lanean ari da".

Horrela, Foroak "gogoetarako guneak sortzeko bakeari eta berradiskidetzeari buruzko batzordea sortu zuen" eta testuinguru horretan aurkeztu du jardunaldia.

Ekimena bi zatitan banatuko dute. Lehenengoan, Baketik erakundeko Jonan Fernandezek berradiskidetzearen pausoei buruzko gogoeta egingo du. Bigarrenean, taldekako lana proposatuko dute.


No hay comentarios:

Publicar un comentario

Identifícate con tu e-mail para poder moderar los comentarios.
Eskerrik asko.